Soroptimist International është një nga rrjetet më të mëdha ndërkombëtare nga dhe për gratë e punësuara dhe përfshihet në mbarë botën në fushën e përmirësimit të kushteve jetike për gratë dhe vajzat. Soroptimistet angazhohen veçanërisht në krijimin e mundësive, pa pangesa, për arsimim të grave dhe vajzave.
Klubi Soroptimist International Austria në Villach është një partner shumëvjeçar i Shkollës Austriake, duke mbështetur nxënëse të shumta me bursa dhe duke krijuar mundësi praktike profesionale në fusha të ndryshme në Austri.
Edhe këtë vit u mbështetën kështu me bursë gjashtë nxënëse: Ajsi, Amela, Françeska, Gentjana, Gresa dhe Jona si dhe katër nxënëse kryen praktikën profesionale në Villach.
Shkolla, si dhe nxënëset që kanë përfituar bursat dhe vendet e praktikës, falenderojnë Soroptimist International Austria Club Villach dhe drejtuesen e tyre, Zonjën Susanna Meusel për mbështetjen bujare dhe punën e tyre kaq të rëndësishme.
Deutsch
Shqip