Austria Schulnetzwerk
Duke filluar prej këtij viti, shkolla jonë merr pjesë në Junior Achievement, një organizatë për mbështetjen e të rinjve në fushën e Entrepreneurship.
Nga vitet e 3-ta janë regjistruar vullnetarisht 2 grupe me nga 5 nxënëse/nxënës. Të dy grupet kanë zhvilluar ide interesante dhe kanë marrë pjesë në një mbledhje online.
Nxënësit kanë mbështetje nga mësues Bekim Alibali dhe një trajnuese e jashtme, e caktuar nga Junior Achievement.
Përkrah disa mbledhjeve të njëpasnjëshme online, ditën e enjte, datë 31.03.2022 u zhvillua një trajnim i përmasave të mëdha në Tiranë. Nxënëset dhe nxënësit u trajnuan në lidhje me krijimin e planeve të biznesit dhe patën mundësinë të njihen me grupet e tjera dhe të shkëmbejnë ide. Mësuesit patën në plan dite temën e menaxhimit të projekteve.
Nxënëset dhe nxënësit falenderuan për mundësinë e pjesëmarrjes dhe janë të motivuar t’i realizojnë më së miri planet e tyre të biznesit.
Deutsch
Shqip