Austria Schulnetzwerk
Fundjavën e kaluar, Edri Kopliku, Irsa Bushati dhe Toni Guli morën pjesën në UPSHIFT, një program i UNICEF në bashkëpunim me Ambasadën e Mbretërisë së Bashkuar dhe United Nations Albania. Atje, të rinjtë paraqesin ide me karakter social për të zgjidhur një problem të komunitetit të tyre.
Ky grup i Shkollës Austriake prezantoi problemin e mungesës së një hapësire, ku të rinjtë e qytetit të Shkodrës dhe rrethinave të zhvillojnë aftësitë e tyre krijuese, duke fokusuar njohuritë vetëm në anën akademike, si dhe duke kufizuar mundësitë e networking.
Zgjidhja e propozuar nga ta ishte pajisja e një hapësire të shkollës me materiale artistike, ku gjatë fundjavës të interesuarit të kalojnë kohë me pikturë, muzikë, kinema e lojra, me qëllim argëtimin, socializimin dhe zbulimin e talenteve të fshehura.
Organizatorëve të workshop-it u bëri shumë përshtypje ideja dhe vendosën ta mbështesnin projektin me një fond prej 1000 Eurosh.
Projekti është tani në fazat e planifikimit dhe pas një periudhe testimi në shkollën tonë, mendohet zhvillimi në shkolla të tjera.
Deutsch
Shqip