Edhe këtë vit, skuadra e Entrepreneurship e HTL-Shkoder, që përbëhej nga Zoti Bekim Alibali dhe Zoti Gernot Scheffknecht, u përfaqësua në samitin e 24-t të Entrepreneurship, i cili u zhvillua më 13 dhe 14 Nëntor 2024 në Vjenë.

Njëkohësisht u zhvillua takimi i përvitshëm i BAG EEE (Bundesarbeitsgruppe Entrepreneurship Education in Engineering – Grupi Federal i Punës në Entrepreneurship Education in Engineering) nën drejtimin e Mag. Wolfgang Pachatz. Në këtë kuadër u realizua dhe ricertifikimi i shkollës tonë si Competence Center për Entrepreneurship.

Samiti u zhvillua nën moton „Innovation & Transformation” dhe ofroi një mori workshop-esh, keynotes, seminaresh frymëzuese si dhe mundësi për krijime rrjetesh bashkëpunimi.

Ashtu si vitin e kaluar, edhe këtë vit ne drejtuam një workshop. Nën titullin „The Power of Entrepreneurship leaving Footprints“ u prezantuan nga njëra anë shkollat austriake jashtë Austrisë dhe shkolla jonë e nga ana tjetër akademia SLEM, e krijuar nga Zoti Scheffknecht (www.slemacademy.eu). SLEM është shkurtimi i „Self-Leadership & Entrepreneurial Mindfulness“. Bëhet fjalë për materiale digjitale për orën e mësimit, të cilat zhvillojnë dhe mbështesin aftësitë sipërmarrëse të nxënëseve dhe nxënësve.

Me shumë ide të reja dhe një valixhe plot me frymëzim, ne u kthyem në shtëpi. Të motivuar dhe me shumë gëzim presim finalen e madhe të European Youthstart Awards www.youthstart.network), e cila zhvillohet nga datat 26 – 27 Tetor 2025 për herë të parë në Shkodër, Shqipëri.