FIRST LEGO League Challenge Mali i Zi

Më 20.02.2026, në shkollën “Novka Ubović” në Podgoricë, “Shoqata e të rinjve inovatorë dhe shpikës të Malit të Zi” organizoi Finalen e programit FIRST LEGO League Challenge – UNEARTHED! Në këtë garë morën pjesë 13 ekipe nga Mali i Zi dhe ekipi ynë The Groundbreakers, të cilët përmes projekteve inovative, dizajnit të robotëve dhe lojës së robotëve treguan dije, kreativitet dhe harmoni në punën në grup. Tema e këtij viti “UNEARTHED” ishte e përqendruar në kërkimin, zbulimin dhe ruajtjen e gjurmëve të së kaluarës përmes teknologjive moderne. Pas një dite të mbushur me gara robotike dhe prezantime, ekipi ynë na përfaqësoi denjësisht, duke u vlerësuar me pikë të larta në çdo kategori. Një moment i veçantë ishte vlerësimi i drejtorit tonë, Karl Mohr, i cili u nderua me Çmimin për Mentorimin më të Mirë për angazhimin e tij të jashtëzakonshëm dhe organizimin e pjesëmarrjes së nxënësve tanë në konkurset e LEGO-s.