Në kuadër të javës së leximit „Austria lexon“, vitet e dyta, të treta dhe të katërta të shkollës sonë vizituan Bibliotekën Austriake në Shkodër. Aty panë një ekspozitë me vepra të autorëve austriakë – nga Stefan Zweig dhe Arthur Schnitzler deri te Ingeborg Bachmann dhe Elfriede Jelinek – dhe u njohën me bibliotekën, ku patën mundësinë të merrnin edhe libra hua.

Vizita u dha mundësinë të zhyteshin së bashku në botën e letërsisë austriake. Falënderojmë ekipin e Bibliotekës Austriake për mikpritjen e ngrohtë!