Austria Schulnetzwerk

Projekti Erasmus+: Java e librit elektronik Eljub E-Book në Krems, Austri

LajmComments Off on Projekti Erasmus+: Java e librit elektronik Eljub E-Book në Krems, Austri


Në kuadër të një projekti nga Erasmus+, katër vajza të klasës së 3A: Alesia Kola, Era Troshani, Medina Quku dhe Sonila Rrustemi, bashkë me mësueset e tyre Fiorela Tahiri dhe Maria Hönigsberger, kaluan një javë të mrekullueshme dhe interesante në Krems, Austri.
Të rinj e të reja nga rreth 12 vende morën pjesë në javën e librit elektronik. Gjatë kësaj jave, ato shkruan vetëm apo edhe në grupe të vogla, tekste për një libër elektronik, në lidhje me temat që janë përpunuar që në prill në Temesëar, Rumani gjatë takimit përgatitor. Libri elektronik E-Book 2019 përmban 300 faqe dhe mund të lexohet më vonë në faqen zyrtare të eljub takime – www.eljub.eu.
Një skuadër filmi, që përbëhej nga një e re/një i ri nga secili shtet, prodhuan një video rreth njërës nga historitë e librit elektronik 2018. Nga grupi ynë mori pjesë Sonila.
Të rinjve e të rejave iu ofrua gjatë kësaj kohe edhe një program i larmishëm. Pjesë e programit ishte prezantimi i vendeve, një kohë gatimi e përbashkët, një pasdite sporti, një shëtitje në St. Pölten, që është kryeqendra e ndarjes administrative të Austrisë së Poshtme, një vizitë në hidrocentralin termik Theiß, që vijoi me festime, kinema (Our Big Little Farm) dhe gjithashtu një udhëtim me anije në Danub, nga Kremsi në Spitz, ku u zhvillua edhe aktiviteti festiv i mbrëmjes me prezantimin e librit elektronik, filmit dhe depozitimi i punimeve të projektit.
Grupi nga Shqipëria vendosi të mbyllë ditët në Krems me një shëtitje nëpër qytet me një karrocë dhe vizitë tek rrënojat e Dürnstein.
Një javë e paharrueshme, si për nxënësit ashtu edhe për shoqërueset e tyre!

Maria Hönigsberger

Java ishte shumë e bukur. Unë kam takuar shumë të rinj dhe kam kaluar një kohë të mrekullueshme me to. Prodhimi i një filmi ishte eksperiencë e re për mua, përmes së cilës kam mësuar shumë. Më ka pëlqyer shumë i gjithë programi. Jam shumë e lumtur, që pata mundësinë të isha pjesë e tij. (Sonila)

Gjatë kësaj jave unë jo vetëm që kam praktikuar gjuhën gjermane në ëorkshope dhe biseda me të rinjtë e tjerë, por edhe jam kënaqur shumë. Ishte kombinimi më i bukur për të përmirësuar njohuritë e mia në gjuhën gjermane, për të mësuar gjëra të reja rreth kulturave të ndryshme dhe për të përftuar kujtime të paharrueshme. Unë kam krijuar shoqëri të reja dhe jam shumë e gëzuar për këtë gjë. Kjo javë e ka bërë stinën e verës shumë të bukur. (Era)

Kjo javë ishte vërtet e bukur. Kam njohur shumë të rinj, kam folur gjermansiht gjithë kohën dhe kam mësuar gjëra të reja. Ishte e rmekullueshme të bisedoje me njerëz nga vende të ndryshme. Workshopet ishin super dhe ne u kënaqëm shumë. Gjithçka ishte perfekt. (Alesia)

Java e kaluar, në Krems te Austrisë si pjesë e programit eljub ishte një eksperiencë shumë e veçantë. Kontakti me grupe rinore nga shtete të tjera të Evropës na dha mundësinë të mësojmë më shumë mbi kulturat e traditat e këtyre vendeve, por edhe na tregoi që në kushtet e globalizimit, rinia evropiane po krijon gjithnjë e më tepër sjellje, deshira, aspirata dhe ëndrra të njëjta. Ishte shumë e rëndësishme për ne të realizonim, që përtej veçantisë gjuhësore e kulturore, kemi dhe shumë pika të përbashkëta. Rëndësi të veçantë pati dhe mundësia për të qenë në kontakt të përditshëm me gjuhën gjermane, si gjuhë e përbashkët komunikimi.
Një vlerë të veçantë pati vizita në kantinën e prodhimit të verës dhe lëngjeve të frutave, e cila ishte pjesë e shkollës. Vendi, ku nxënësit mësonin praktikisht profesionin e tyre, më dha një perspektivë të re mbi funksionin e arsimit.
Qyteti i Kremsit ishte i mrekullueshem në shumë aspekte (gjeografike, arkitektonike, historike). Shumë e veçantë ishte të krijonim shoqëri të reja, që i kalojnë kufinjtë shtetërorë e kulturorë. (Fiorela Tahiri)

Comments are closed.

© 2018 Österreichische Schule Shkodra “Peter Mahringer”